Tres utile et compendieux traite de l'art et science d'orthographie gallicane

Tres utile et compendieulx Traicte de l'art et science d'orthographie gallicane dedans lequel sont comprinses plusieurs choses necessaires, curieuses, nouvelles et dignes de scavoir non veues auparavant. Avec une petite introduction pour congnoistre a lire le chiffre

Combien que plusieurs poetes et orateurs franoys eussent jadis par leur melliflue eloquence et abundante facunde/ tellement enrichy la doulce langue gallicane: que sus toute aultre vernacule est aujourd'huy la plus propice & copieuse pour bien deduire toute chose de quelque importance qu'elle soit si esse qu'ilz ont sus leurs escriptures: tant solutes que liees selon mesure armonieuse/ ou delaiss/ ou chang/ ou entremesl aulcuns traictz lesquelz ont beaucoup corrumpu l'orthographie & adommag ses bonnes painctures & estoffes naturelles. Et ce ne nous doibt point seulement desplaire ains esmouvoir & semondre pour luy faire recouvrer ses premieres & vives couleurs reputez d'estime frivole par le succroysi de l'adulterine paincture. Car s'il est ainsi que ayons veu en ce temps heureux toutes sciences plus esclarcir que jamais/ tout art florir & venir a perfection/ chascun prendre plaisir a ressouldre & augmenter son industrie sans espargner peine ne labeur. Cela doibt estre occasion suffisante de stimuler aygrir/ et ouvrir les entendemens des zelateurs de ladicte langue pour entreprendre & visiter les escriptures perverties & depravees en extirpant toutes faultes & erreurs affin de les revoquer a leur premiere et antinque integrit. Neantmoins on a jusques icy fait de ce nulle ou petite reputation: dont telles difficultez & obscurtez ont pullul/ pour le present il n'est pas legier ne ays de les cercler et purement nettoyer. Or entendu que les ancestres se sont deportez de entamer ceste matiere il sembleroit oultrecuder & temerit de vouloir investiguer plus avant. Mais l'utilit qui en peult suivir doibt vaincre et donner hardiesse de mettre la main a ce labeur. Au regard dequoy & aussi par les improbes exhortations d'aulcuns avec lesquelz j'ay non vulgaire familiarit suis contraint d'exposer ce petit traict: non point que je pense qu'il soit souffisant de restaurer l'orthographie en sa dignit pristine: Mais affin que les amateurs de ladicte langue franoyse prennent cueur chascun en son endroit: & s'efforcent de la redresser & restablir en son entiere et absolute perfection. pourtant treshonnor seigneur comme je fusse persuad par iceulx mes amys que ceste lecture donneroit passetemps: & trouveroit lieu entre gentz de doctrine non proletaire entre lesquelz vous teniez le front devant. Ainsi soubz l'ombre de vostre protection m'a sembl chose convenable et decente & ay est contrainct de laxer & communiquer les premices de nostre petite tenuit esperant que au moyen de vous pourront impetrer faveur et recueil devant les yeulx des benivoles lecteurs. Donn d'abbeville le .xxii. de septembre. Mil cinq centz vingt neuf. Orthographie est ung terme grec fait par longue espace de temps commun & comme propre a nostre langue dont pour le present il nous suffira de la diffinition Orthographie doncques est une science & industrie de savoir bien escripre. Non point que ce soit de bien farder ou paindre sa lettre mais de non changer/ adjouter ou diminuer une lettre pour l'autre en son escripture. On congnoit suffisamment les lectres requises a bien escripre par l'a b c lesquelles sont devisez en voielles a/ e/ i/ o/ u/ avec y grec: les autres sont dictes consonantes Nous appellons une lectre voielle quand de soymesme elle fournit pleine voix Consonante quand de soymesme n'a point sa voix mais la mendie de la voielle comme b/ de/ e/ car il est impossible de pronuncer b sans e/ et ainsi des aultres. Toutes lettres au franchois sont de une seulle syllabe laquelle chose est manifeste en la prolation des voielles et qu'il soit ainsy des aultres nous le comprehendrons facillement. Car la lettre est dicte consonante puis qu'elle sonne avec la voielle comme d/ avec e et non point avec deux ou plusieurs. Je dis ce affin de abolir la folle usance ou plus tost l'abuz de nostre picardie en laquelle nous proferons effe l'ache/ emme/ enne/ erre esse/ iux/ zetdre/ pour ef ha em en et ex. Et me tairay des parisiens qui dient boy/ choy/ doy & ce. En passant les aultres subdivisions lesquelles ne servent rien a nostre propos car ceste seule suffit a bien furnir & discerner de l'escripture gallicane. ......Buy Now (To Read More)

Product details

Ebook Number: 64113
Author: Saint-Denis, Jean
Release Date: Dec 23, 2020
Format: eBook
Language: French