Romanz De L'estoire Dou Graal

Romanz De L'estoire Dou Graal

Savoir doivent tout pecheeur Et li petit et li meneur Que devant ce que Jhesus-Criz Venist en terre, par les diz Fist des prophetes anuncier Sa venue en terre, et huchier Que Diex son fil envoieroit -jus aval, et soufferroit Mout de tourmenz, mout de doleurs, Mout de froiz et mout de sueurs. A icel tens que je vous conte, Et roi et prince et duc et conte, Nostres premiers peres Adam, Eve no mere et Abraham, Ysaac, Jacob, Yheremyes Et li prophetes Ysayes, Tout prophete, toute autre gent, Boen et mauveis communment, Quant de cest siecle departoient, Tout droit en enfer s'en aloient. Quant li Deables, li Maufez, Les avoit en enfer boutez, Gaaigniez avoir les quidoit Et en ce ads mout se fioit. Les boennes genz confort avoient Ou Fil Dieu, que il attendoient. Lors si plut Nostre-Seigneur, Qu'il nous fist trestouz honneur Et qu'il en terre descendist Et nostre humeinne char prist; Dedenz la Virge s'ambra, Tele com la voust la fourma; Simple, douce, mout bien aprise, Toute la fist sa devise. Pleinne fu de toutes bontez, En li assist toutes biautez; Ele est fleiranz comme esglentiers; Ele est ausi com li rosiers, Qu'ele porta la douce rose Qui fu dedenz sen ventre enclose. Ele fu Marie apele, De touz biens est enlumine; Marie est dite, mer amere; Fille Dieu est, si est sa mere; Et Joachins si l'engenra, Anne sa mere la porta, Qui andui ancien estoient. Onques enfant u n'avoient; Meis mout en estoient iri, Et Diex leur eut tost pourchaci Par son angle, qu'il envoia A Joachym, quant il ala Ou desert ses pastouriaus; Et demoura aveques aus, Pour ce que courouciez estoit De s'offrande que li avoit L'esvesque ou temple refuse, Pour ce que n'avoit engenre Nule porture en sa fame, Ki estoit de sa meison dame. Ce dist l'angles Joachyn: Va tost, si te mest au chemin, Que Diex le t'a par moi mand; Et se m'a-il mout command Enseurquetout que je te die Ta volentez iert acomplie, Car tu une pucele aurras, Et Marie l'apeleras. D'Anne ta fame iert engenre, En son ventre saintefie, N'en sa vie ne pechera Tout son aage que vivra. De ce ne soies esperduz; Et que j'en soie mieux cruz, Par Jherusalem t'en iras Et la porte enconterras Ta fame, puis vous en irez En vo meison et si serez Ensemble comme boenne gent: Ainsi avendra vraiement. Le pueple que il feit avoit D'Evein et d'Adam, couvenoit Raieimbre et giter hors d'enfer Que tenoit enclos Lucifer Pour le pechi d'Adam no pere, Que li fist feire Eve no mere Par la pomme qu'ele menja Et qu'ele son mari donna. ......Buy Now (To Read More)

Product details

Ebook Number: 4936
Author: Robert, de Boron
Release Date: Jan 1, 2004
Format: eBook
Language: French