Fierabras

Fierabras

Saint pol docteur de verit nous dit que toutes choses reduites par escript sont a nostre doctrine escriptes. Et boece fait mencion que diversement le salut d'ung chascun procede. Puis que ainsi est que la foy crestienne est assez par les docteurs de sainte eglise corroboree neantmoins les choses passees diversement a memoire reduites nous engendrent correction de vie illicite. car les ouvrages des anciens sont pour nous rendre a vivre en operacion digne de salut en ensuyvant les bons et en evitant les mauvais/ et aussi en racontant hystoires haultaines l'entendement commun est mieulx content a retenir pour l'ymaginacion localle a laquelle il est soubmis. Je dy cecy voulentiers/ car souventesfoys j'ay est exit de la part de venerable homme messire henry bolomier chanoine de lausanne pour reduire a son plaisir aucunes hystoires tant en latin comme en rommant et en autre faon escriptes/ c'estassavoir de celluy trespuissant vertueulx et noble charles le grant roy de france et empereur de romme filz du grant roy pepin/ et de ses princes et barons. comme rolant. olivier et autres tant touchant aucunes oeuvres haultaines par leur grant force et tresardant couraige a l'exaltacion de la foy chrestiene faites et a la confusion des sarrazins et mescreans qui est oeuvre bien contemplative a bien vivre. Et pource que ledit henry bolomier a veu ceste matiere desjoincte sans grant ordonnance a sa requeste et selon la capacit de mon petit engin et entendement et selon la matiere que j'en ay peu trouv j'ay ordonn celluy livre et peult estre que je eusse est bien inform a plain que j'eusse bien mieulx fait. car je n'ay eu intencion de deduire la matiere que je n'en aie est inform premierement/ tant par ung livre autentique qui se dit mirouer historial. comme par les cronicques et aucuns aultres livres qui font mencion de l'oeuvre suyvant. Et a cause que je puisse avoir ung petit de fondement honnorable je toucheray du premier roy de france crestien. Car communement cestuy livre est tout comprins a l'onneur des franoys et au prouffit d'ung chascun. Et selon le desir du liseur et de l'escouteur on trouvera assez a plain la matiere de laquelle on aura desir d'escouter et de oyr sans grant attediacion au plasir de dieu/ auquel je submetz toute mon intencion de non escripre chose qui se doie blasmer et qui ne soit a chascun adjutoyre de saulvement. ......Buy Now (To Read More)

Product details

Ebook Number: 44301
Author: Bagnyon, Jehan
Release Date: Nov 27, 2013
Format: eBook
Language: French